بيللي دجين كينگ كۋبوگىنىڭ پلەي-وفف كەزەڭٸندە ارگەنتينامەن وينايتىن قازاقستان ەيەلدەر قۇراماسى انىقتالدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, بەسەكەلەر كوردوۆا (ارگەنتينا) قالاسىندا Cordoba Lawn Tennis Club توپىراق تٶسەنٸشٸ كورتتارىندا 16-17 سەۋٸر كٷندەرٸ ٶتەدٸ.
قازاقستان قۇراماسىنا مىنا ويىنشىلار ەندٸ.
1. ەلەنا رىباكينا (ەلەمنٸڭ 23-راكەتكاسى);
2. يۋلييا پۋتينتسەۆا (31-راكەتكا);
3. زارينا ديياس (88-راكەتكا);
4. اننا دانيلينا (290-راكەتكا);
5. ياروسلاۆا شۆەدوۆا (738) – ياروسلاۆانىڭ دەكرەتتٸك دەمالىسى كەزٸندەگٸ رەيتينگٸسٸ ەسەپكە الىندى.
«ەل قۇراماسى رەيتينگ پەن تەننيسشٸلەردٸڭ سوڭعى كٶرسەتكٸشتەرٸنە سەيكەس جاساقتالدى. جەكەلەي سىندا رىباكينا, پۋتينتسەۆا جەنە ديياس قازاقستان نامىسىن قورعايدى. جۇپتىق سىندا مەنٸمەن بٸرگە اننا دانيلينا كورتقا شىقپاقشى. بٸراق جۇپتىق سىندا دەل كٸمنٸڭ وينايتىنى جەكەلەي بەسەكەلەردٸڭ نەتيجەسٸنە جەنە تەننيسشٸلەردٸڭ دەنساۋلىعى مەن جاي-كٷيٸنە بايلانىستى بولماق», دەدٸ قازاقستان ەيەلدەر قۇراماسىنىڭ كاپيتانى شۆەدوۆا.
ارگەنتينا – قازاقستان ماتچىنىڭ ويىن كەستەسٸ مەن قارسىلاس كوماندا قۇرامى كەيٸن جارييالانادى.
