Qazaqstandyq Anna Danilina juptyq synda Úndistannyń Pýna qalasynda ITF W25 seriiasy boiynsha ótken týrnirdiń jeńimpazy atandy, dep habarlaidy QazAqparat.
Qazaqstan tennis federatsiiasy málim etkenindei, A.Danilina ýkrainalyq Valeriia Strahovamen birge finalda japoniialyqtar Fýna Kozaki – Misaki Matsýdamen bas júldeni sarapqa saldy.
Qazaqstandyq-ýkrainalyq jup tartysty matchta 6:0, 2:6, 10:5 esebimen jeńiske jetti.
A.Danilina osylaisha juptyq synda ITF World Tennis Tour dodalarynda sporttyq jolyndaǵy 23-inshi, biylǵy 9-titýlyna qol jetkizdi. Ol sondai-aq biyl Polshada WTA 250 jarysynda alǵash ret chempiondyq ataqty jeńip aldy.
«Osy aptadaǵy tabysymyz úshin Valeriia Strahovaǵa alǵysymdy aitqym keledi. Endi elge kelip, birneshe kún demalamyn. Jańajyldyq merekeni óz otbasymmen ótkizip, sosyn jańa maýsymǵa daiyndalamyn», dedi A.Danilina.
Qazaqstandyq tennisshi qazirgi kezde juptyq synda álemdik reitingide 75-orynda tur.
