قازاقستاندىق اننا دانيلينا جۇپتىق سىندا ٷندٸستاننىڭ پۋنا قالاسىندا ITF W25 سەريياسى بويىنشا ٶتكەن تۋرنيردٸڭ جەڭٸمپازى اتاندى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەنٸندەي, ا.دانيلينا ۋكراينالىق ۆالەرييا ستراحوۆامەن بٸرگە فينالدا جاپونييالىقتار فۋنا كوزاكي – ميساكي ماتسۋدامەن باس جٷلدەنٸ ساراپقا سالدى.
قازاقستاندىق-ۋكراينالىق جۇپ تارتىستى ماتچتا 6:0, 2:6, 10:5 ەسەبٸمەن جەڭٸسكە جەتتٸ.
ا.دانيلينا وسىلايشا جۇپتىق سىندا ITF World Tennis Tour دودالارىندا سپورتتىق جولىنداعى 23-ٸنشٸ, بيىلعى 9-تيتۋلىنا قول جەتكٸزدٸ. ول سونداي-اق بيىل پولشادا WTA 250 جارىسىندا العاش رەت چەمپيوندىق اتاقتى جەڭٸپ الدى.
«وسى اپتاداعى تابىسىمىز ٷشٸن ۆالەرييا ستراحوۆاعا العىسىمدى ايتقىم كەلەدٸ. ەندٸ ەلگە كەلٸپ, بٸرنەشە كٷن دەمالامىن. جاڭاجىلدىق مەرەكەنٸ ٶز وتباسىممەن ٶتكٸزٸپ, سوسىن جاڭا ماۋسىمعا دايىندالامىن», دەدٸ ا.دانيلينا.
قازاقستاندىق تەننيسشٸ قازٸرگٸ كەزدە جۇپتىق سىندا ەلەمدٸك رەيتينگٸدە 75-ورىندا تۇر.
