Qazaqstandyq Andrei Golýbev juptyq synda Indian-Ýells masters týrniriniń ekinshi ainalymyna shyqty, dep habarlaidy QazAqparat.
A.Golýbev germaniialyq Aleksandr Zverevpen birge alǵashqy ainalymda ulybritaniialyq Deniel Evans – reseilik Karen Hachanovpen kezdesti.
Qazaqstandyq-germaniialyq jup 7:5, 6:3 esebimen jeńiske jetti.
A.Golýbev pen A.Zverev 1 saǵat 20 minýtqa sozylǵan match barysynda 4 eis jasap, 4 breik-pointtyń teń jartysyn paidalandy. Olardyń ekinshi ainalymdaǵy qarsylastary keiin anyqtalady.
Jekelei synda taǵy bir qazaqstandyq, dúniejúzilik reitingte 154-orynda turǵan Mihail Kýkýshkin birinshi ainalymda álemniń 39-raketkasy, amerikalyq Tommi Poldan 4:6, 4:6 esebimen jeńilip qaldy. M.Kýkýshkin negizgi jarysqa irikteý saiystarynan keiin qosylǵan edi.
Qazaqstannyń birinshi, álemniń 33-raketkasy Aleksandr Býblik ekinshi ainalymda kezinde reitingte kósh bastaǵan, qazir 88-satydaǵy ulybritaniialyq Endi Marreimen sheberlik baiqasady. A.Býblik pen E.Marrei biyl Rotterdamda kezdesip, onda ulybritaniialyq tennisshi 7:6 (8:6), 6:4 esebimen utyp ketken edi.
