قازاقستاندىق اندرەي گولۋبەۆ جۇپتىق سىندا ينديان-ۋەللس ماستەرس تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى قازاقپارات.
ا.گولۋبەۆ گەرمانييالىق الەكساندر زۆەرەۆپەن بٸرگە العاشقى اينالىمدا ۇلىبريتانييالىق دەنيەل ەۆانس – رەسەيلٸك كارەن حاچانوۆپەن كەزدەستٸ.
قازاقستاندىق-گەرمانييالىق جۇپ 7:5, 6:3 ەسەبٸمەن جەڭٸسكە جەتتٸ.
ا.گولۋبەۆ پەن ا.زۆەرەۆ 1 ساعات 20 مينۋتقا سوزىلعان ماتچ بارىسىندا 4 ەيس جاساپ, 4 برەيك-پوينتتىڭ تەڭ جارتىسىن پايدالاندى. ولاردىڭ ەكٸنشٸ اينالىمداعى قارسىلاستارى كەيٸن انىقتالادى.
جەكەلەي سىندا تاعى بٸر قازاقستاندىق, دٷنيەجٷزٸلٸك رەيتينگتە 154-ورىندا تۇرعان ميحايل كۋكۋشكين بٸرٸنشٸ اينالىمدا ەلەمنٸڭ 39-راكەتكاسى, امەريكالىق توممي پولدان 4:6, 4:6 ەسەبٸمەن جەڭٸلٸپ قالدى. م.كۋكۋشكين نەگٸزگٸ جارىسقا ٸرٸكتەۋ سايىستارىنان كەيٸن قوسىلعان ەدٸ.
قازاقستاننىڭ بٸرٸنشٸ, ەلەمنٸڭ 33-راكەتكاسى الەكساندر بۋبليك ەكٸنشٸ اينالىمدا كەزٸندە رەيتينگتە كٶش باستاعان, قازٸر 88-ساتىداعى ۇلىبريتانييالىق ەندي ماررەيمەن شەبەرلٸك بايقاسادى. ا.بۋبليك پەن ە.ماررەي بيىل روتتەردامدا كەزدەسٸپ, وندا ۇلىبريتانييالىق تەننيسشٸ 7:6 (8:6), 6:4 ەسەبٸمەن ۇتىپ كەتكەن ەدٸ.
