Qazaqstannyń birinshi, álemniń 42-raketkasy Aleksandr Býblik Barselona ATP 500 týrniriniń ekinshi ainalymyna shyqty, dep habarlaidy "Ult aqparat".
Qazaqstandyq tennisshi bastapqy kezdesýin álemniń 48-raketkasy, ispaniialyq Alehandro Davidovich Fokinamen ótkizdi.
Birinshi partiiada A.Býblikten eki jas kishi, 21-degi ispaniialyq sportshy basymdylyq tanytty – 6:2. Ol ekinshi settiń ortasyna deiin senimdi oinady.
Ekinshi partiiada esep 5:5 bolǵan mezette qazaqstandyq tennisshi breik jasap ketti. Sosyn óz geimin ońai ala bildi – 7:5.
Úshinshi, sheshýshi partiiada taǵy eki breik jasaǵan A.Býblik matchty jeńispen túiindedi – 6:2.
Báseke 1 saǵat 31 minýtqa sozyldy.
A.Býblik ekinshi ainalymda álemniń 25-raketkasy, aýstraliialyq Aleks de Minormen sheberlik baiqasady.
Barselona dodasy 25 sáýirde márege jetedi.
