تەننيس: الەكساندر بۋبليك بارسەلونا تۋرنيرٸن جەڭٸسپەن باستادى

قازاقستاننىڭ بٸرٸنشٸ, ەلەمنٸڭ 42-راكەتكاسى الەكساندر بۋبليك بارسەلونا ATP 500 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".

قازاقستاندىق تەننيسشٸ باستاپقى كەزدەسۋٸن ەلەمنٸڭ 48-راكەتكاسى, يسپانييالىق الەحاندرو داۆيدوۆيچ فوكينامەن ٶتكٸزدٸ. 

بٸرٸنشٸ پارتييادا ا.بۋبليكتەن ەكٸ جاس كٸشٸ, 21-دەگٸ يسپانييالىق سپورتشى باسىمدىلىق تانىتتى – 6:2. ول ەكٸنشٸ سەتتٸڭ ورتاسىنا دەيٸن سەنٸمدٸ وينادى.

ەكٸنشٸ پارتييادا ەسەپ 5:5 بولعان مەزەتتە قازاقستاندىق تەننيسشٸ برەيك جاساپ كەتتٸ. سوسىن ٶز گەيمٸن وڭاي الا بٸلدٸ – 7:5.

ٷشٸنشٸ, شەشۋشٸ پارتييادا تاعى ەكٸ برەيك جاساعان ا.بۋبليك ماتچتى جەڭٸسپەن تٷيٸندەدٸ – 6:2.

بەسەكە 1 ساعات 31 مينۋتقا سوزىلدى.

ا.بۋبليك ەكٸنشٸ اينالىمدا ەلەمنٸڭ 25-راكەتكاسى, اۋسترالييالىق الەكس دە مينورمەن شەبەرلٸك بايقاسادى.

بارسەلونا دوداسى 25 سەۋٸردە مەرەگە جەتەدٸ.