Teńiz ken ornynda jarylystan jaraqat alǵandardyń ekeýi aýrýhanaǵa jetkizildi, dep habarlaidy Ulysmedia.kz.
Budan buryn Teńiz ken ornynda jarylys bolyp, eki adam qaza tapqanyn jazǵan edik.
«Teńizshevroil» JShS baspasóz qyzmetinen málim etkendei, búgin, 6 shildede «Senimdi qurylys» JShS-niń qurylys alańynda atmosferalyq gazy bar qubyrda gidrosynaý jumysy júrgizilgen. Sol kezde qysymǵa shydamaǵan qubyrda jarylys bolǵan.
Jergilikti ýaqyt boiynsha tańerteńgi saǵat 9:55 shamasynda bolǵan jarylys saldarynan «Senimdi qurylys» JShS-niń 5 qyzmetkeri zardap shekken. Onyń 3-eýi ártúrli dene jaraqatyn alǵan. Al 2 qyzmetker qaza tapqan.
«Apat kezinde ken ornynda 5 jumysshy zardap shegip, onyń ekeýi qaitys boldy. Bireýi jarylys bolǵan qurylys alańynda, ekinshisi ken ornyndaǵy «TShO klinikasy» meditsinalyq mekemesinde kóz jumǵan. Ártúrli dene jaraqatyn alǵan jumysshynyń bireýi «Teńizshevroil» JShS-ne qarasty ushaqpen Atyraý oblystyq aýrýhanasyna jetkizildi. Qazir naýqasqa dárigerler saraptama júrgizip jatyr. Taǵy bir jaraqat alǵan jumysshy Jyloi aýdandyq aýrýanasyna tústi. Ol jambas tusynan jabyq jaraqat alǵan. Onyń jaǵdaiy ortasha turaqty. Zardap shekken úshinshi jumysshyǵa «TShO klinikasy» meditsinalyq mekemesiniń qyzmetkerleri psihologiialyq kómek kórsetip jatyr», -dep málim etti oblystyq densaýlyq saqtaý basqarmasynyń baspasóz qyzmetinen.
