Aqtaý garnizonynyń «Oimasha» oqý-jattyǵý poligonynda eldimekendegi arnaiy áskeri is-qimylǵa daiyndalý jáne ony júrgizý boiynsha jaýyngerlik oq atýdan taktikalyq oqý-jattyǵýy ótti, dep habarlaidy Qorǵanys ministrliginiń baspasóz qyzmeti.
Oqý-jattyǵýdyń josparyna sáikes teńiz jaiaý áskerleriniń brigadasyna eldimekendi zańsyz qarýlanǵan quramalardan tazartý mindeti júkteldi.
Osyǵan bailanysty barlaý, tank, artilleriia, zenittik, injenerlik-saperlik bólimshelermen, sondai-aq armiianyń aviatsiialyq toptarmen jáne ushqyshsyz ushý apparattarynyń eseptoptarymen kúsheitilgen batalondyq taktikalyq top quryldy.
Oqý-jattyǵýǵa barlyǵy 400-den astam áskeri qyzmetshi tartylyp, 100-ge jýyq qarý-jaraq pen áskeri tehnika jumyldyryldy.
Teńizshiler shartty jaýyngerlik qoldaný aimaǵyna marsh jasap, aimaqqa tosqaýyl qoidy. Ushqyshsyz basqarylatyn qurylǵylardy qoldana otyryp jasalǵan úzdiksiz barlaý nátijesi sodyrlardyń kúshteri men quraldarynyń jinalǵan jerin anyqtaýǵa múmkindik berdi.
Sodyrlar berilýden bas tartqan soń, qoldaǵy bar qarýmen zańsyz qarýly quramalardyń kózin joidy. Al áskeri qyzmetshiler eldimekenniń barlyq nysandaryna baqylaý ornatty.
– Qaladaǵy urys – jaýyngerlik is-qimyldyń asa kúrdeli túrleriniń biri. Sondyqtan iri qalalarda, iaǵni adam kóp shoǵyrlanǵan ortada áreket etý úshin áskerlerdi daiarlaý júiesin jetildiremiz. Bul oqý-jattyǵýǵa qatysýshylardyń bári kúrdeli ári tez ózgeretin jaǵdaida kásibi is-qimyldaǵy eptiligin kórsetti, - dep atap ótti teńiz jaiaý áskerleri brigadasynyń komandiri podpolkovnik Jannur Satqynov.
Budan bólek, taktikalyq oqý-jattyǵý barysynda Shekara qyzmeti men Qarýly kúshterdiń bólimsheleri banda quramalary rezervteriniń kirýine jol bermeý úshin memlekettik shekarany kúzetýdi kúsheitýge qatysty oqý-jaýyngerlik tapsyrmalardy oryndady. Ulttyq ulan men politsiia jaqyn mańdaǵy eldi mekenderde soǵys jaǵdaiynda quqyqtyq rejimdi qoldaý jónindegi sharalardy júzege asyrdy. Bul sharalar teńiz jaiaý áskerleriniń belgilengen jaýapkershilik aimaǵynda arnaiy áskeri is-qimyldy nátijeli ótkizýine septigin tigizdi.
«Batyl toitarys – 2022» vedomstvoaralyq strategiialyq komandalyq-shtabtyq oqý-jattyǵýy Memleket basshysy Qasym-Jomart Toqaevtyń kúshtik qurylymdardy tiimdi úilestirýdi qamtamasyz etý, olardyń jedel jáne áskeri-tehnikalyq úilesimdiligin jolǵa qoiý, sondai-aq vedomstvoaralyq úilestirýdi kúsheitý jónindegi tapsyrmalaryn iske asyrý aiasynda ótkizilip jatqanyn aita ketken jón.
