Atyraý oblysyndaǵy ken ornynyń vahtashy jumysshylary bar áýe reisi Almatyǵa qondy. Bul týraly "Ult aqparat" ákimdikke silteme jasap habarlaidy.
«Teńizshevroil» JShS qyzmetkerleri ótken ai boiy Teńizde jumys vahtasynda bolǵan. Kompaniia basshylyǵy jumysshylardy turǵylyqty meken-jailary boiynsha qaitarý týraly sheshim qabyldaǵan.
Jolaýshylardyń bári Atyraý oblysy boiynsha Taýarlar men qyzmetterdiń sapasyn baqylaý departamentine qajetti saýalnamalar men qolhattardy toltyrǵan.
Sonymen birge, jumysshylarǵa test júrgizilip, nátijesi teris bolǵan jaǵdaida ǵana ushaqqa otyrǵyzylýǵa ruqsat etilgen. 200 adamnyń bári Almaty jáne Almaty oblysynyń, sonyń ishinde Taldyqorǵan qalasynyń turǵyndary bolyp tabylady.
Qaýipsizdikti qamtamasyz etý maqsatymen jumysshylaryń barlyǵy kelgennen keiin koronavirýsqa analiz tapsyryp, nátijeleri belgili bolǵansha karantinge jatqyzyldy.
Atap ótetini, ken ornynan jumysshylardyń Almatyǵa deiin ushaqpen kelýi, qyzmetkerlerge test júrgizý jáne karantin uiymdastyrý jumys berýshilerdiń esebinen júzege asyryldy.
