Tótenshe jaǵdai rejimin qamtamasyz etý jónindegi óńirlik jedel shtabtyń málimetinshe, búgin Teńiz kenishiniń 23 jumysshysynan koronavirýs indeti anyqtalǵan, dep habarlaidy "Ult aqparat".
«Naýqastar – Teńiz ken ornynan shyǵar aldynda skriningten ótken jumysshylar. Qaýipti indetke shaldyqqandardyń barlyǵy infektsiialyq statsionarǵa jatqyzyldy. Olar tiisti hattamalarǵa sáikes em qabyldaýda. Qazirgi ýaqytta infektsiia oshaqtaryna dezinfektsiia jumystary júrgizilip jatyr. Sondai-aq, naýqastarmen bailanysta bolǵan adamdar anyqtalyp, dárigerlerdiń baqylaýyna alyndy» - dep habarlady óńirlik jedel shtabtan.
Búgin, 20 mamyrda Atyraý oblysynda qaýipti indetti juqtyrǵan adamdar sany 792-ge jetti. Al, Teńiz kenishindegi 42 merdiger mekemeniń qyzmetkerleri arasynda koronavirýs infektsiiasynyń 712 jaǵdaiy tirkelgen. Vahtalyq aýmaqta qaýiptiń indettiń 22 oshaǵy anyqtalǵan.
