Teńiz kenishindegi infektsiialyq statsionarda 716 naýqas emdelip jatyr, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetine qaraǵanda, koronavirýs infektsiiasyn juqtyrýdyń basym bóligi burynǵysha Atyraý qalasy men Teńiz kenishinde tirkelip otyr. Óńirde ótken táýlikte 51 adamnan qaýipti indettiń belgisi anyqtalǵan.
«Koronavirýsqa shaldyqqandardyń arasynda Atyraý qalasynan 12 naýqas bar. Teńiz kenishinde 32 jumysshy qaýipti virýs juqtyrdy. Al, Jylyoi aýdanynda – 2, Qyzylqoǵada – 3, Maqat aýdanynda 2 adamnan Sovid-19 tabyldy. Koronavirýs 10 naýqasta simptomdy túrde ótýde» - dep habarlady basqarmanyń baspasóz qyzmetinen.
Ótken táýlikte koronavirýs infektsiiasynan 39 naýqas emdelip shyqqan. Al 238 adam úi jaǵdaiynda em qabyldaýdy jalǵastyrýda. Oblystyq infektsiialyq statsionarda 103, aýdandardaǵy statsionarlarda 34, Teńiz kenishindegi infektsiialyq statsionarda 716 adam em qabyldap jatyr.
