Teńiz kenishindegi infektsiialyq statsionarǵa koronavirýs infektsiiasymen túsken naýqastar túgelimen saýyǵyp shyqty. Qazir munda emdelip jatqan naýqastar joq, dep habarlaidy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendei, ótken táýlikte 5 adam qaýipti virýsqa shaldyqqan. Naqtylai aitqanda, Atyraý qalasynda 5, Qurmanǵazy aýdanynda – 2, Teńiz ken ornynda 1 naýqas tirkelgen.
«Atyraý oblysy birneshe kúnnen beri «jasyl» aimaqta tur. Buǵan óńirde koronavirýs infektsiiasynyń taralý dereginiń azaiýy sebep bolyp otyr. Qazir qaýipti virýsqa shaldyqqan 150 naýqas emdelip jatyr. Onyń ishinde 80 adam úi jaǵdaiynda, 70 naýqas infektsiialyq statsionarlarda em qabyldaý úshin oqshaýlanǵan. Al, modýldik aýrýhanada – 57, aýdandardaǵy infektsiialyq statsionarlarda 13 patsient oqshaýlanǵan. Jylyoi aýdanynda ornalasqan Teńiz ken ornyndaǵy infektsiialyq statsionarda birde-bir naýqas emdelýge jatqyzylǵan joq», - dep habarlady basqarmanyń baspasóz qyzmeti.
