«Qyzyl» aimaqtaǵy Atyraý oblysynyń infektsiialyq statsionarlarynda 1 736 naýqas oqshaýlanǵan. Onyń ishinde 440 patsient Teńiz kenishindegi statsionarda emdelip jatyr, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetinen málim etkendei, koronavirýs infektsiiasyna shaldyqqan naýqastar sanynyń kóbeiýi Jylyoi aýdany men Teńiz kenishinde baiqalyp otyr.
«Atyraý oblysynda 5 tamyzda koronavirýs infektsiiasyn juqtyrǵan 340 naýqas anyqtaldy. Onyń ishinde Atyraý qalasynda 230 adamnyń qaýipti virýsqa shaldyqqany rastaldy. Al, Teńiz ken ornynda 28 jumysshydan indet belgisi anyqtaldy. Sondai-aq, Jylyoi aýdanynda – 26, Qyzylqoǵada – 12, Inderde – 11, Isataida – 11, Qurmanǵazyda – 11, Mahambette –6, Maqat aýdanynda 5 adamnan koronavirýs juqtyrdy» -dep habarlady basqarmanyń baspasóz qyzmeti.
Qazir 5 333 naýqas óz úiinde em qabyldap jatyr. Teńiz ken ornyndaǵy statsionarda – 440, aýdandardaǵy statsionarlarda – 410, №2 oblystyq aýrýhanada – 200, modýldik aýrýhanada – 195, temirjol aýrýhanasynda – 108, kardiologiialyq ortalyqta – 105, oblystyq aýrýhanada – 94, ftiziopýlmanologiia ortalyǵynda 76 naýqas emdelýde. Sondai-aq, infektsiialyq statsionarǵa ainalǵan jataqhanada 108 patsient oqshaýlanǵan.
