«قىزىل» ايماقتاعى اتىراۋ وبلىسىنىڭ ينفەكتسييالىق ستاتسيونارلارىندا 1 736 ناۋقاس وقشاۋلانعان. ونىڭ ٸشٸندە 440 پاتسيەنت تەڭٸز كەنٸشٸندەگٸ ستاتسيوناردا ەمدەلٸپ جاتىر, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنەن مەلٸم ەتكەندەي, كوروناۆيرۋس ينفەكتسيياسىنا شالدىققان ناۋقاستار سانىنىڭ كٶبەيۋٸ جىلىوي اۋدانى مەن تەڭٸز كەنٸشٸندە بايقالىپ وتىر.
«اتىراۋ وبلىسىندا 5 تامىزدا كوروناۆيرۋس ينفەكتسيياسىن جۇقتىرعان 340 ناۋقاس انىقتالدى. ونىڭ ٸشٸندە اتىراۋ قالاسىندا 230 ادامنىڭ قاۋٸپتٸ ۆيرۋسقا شالدىققانى راستالدى. ال, تەڭٸز كەن ورنىندا 28 جۇمىسشىدان ٸندەت بەلگٸسٸ انىقتالدى. سونداي-اق, جىلىوي اۋدانىندا – 26, قىزىلقوعادا – 12, يندەردە – 11, يساتايدا – 11, قۇرمانعازىدا – 11, ماحامبەتتە –6, ماقات اۋدانىندا 5 ادامنان كوروناۆيرۋس جۇقتىردى» -دەپ حابارلادى باسقارمانىڭ باسپاسٶز قىزمەتٸ.
قازٸر 5 333 ناۋقاس ٶز ٷيٸندە ەم قابىلداپ جاتىر. تەڭٸز كەن ورنىنداعى ستاتسيوناردا – 440, اۋداندارداعى ستاتسيونارلاردا – 410, №2 وبلىستىق اۋرۋحانادا – 200, مودۋلدٸك اۋرۋحانادا – 195, تەمٸرجول اۋرۋحاناسىندا – 108, كارديولوگييالىق ورتالىقتا – 105, وبلىستىق اۋرۋحانادا – 94, فتيزيوپۋلمانولوگييا ورتالىعىندا 76 ناۋقاس ەمدەلۋدە. سونداي-اق, ينفەكتسييالىق ستاتسيونارعا اينالعان جاتاقحانادا 108 پاتسيەنت وقشاۋلانعان.
