Atyraý oblysyndaǵy Teńiz kenishinde 4 myń qyzmetker «Spýtnik V» vaktsinasynyń I komponentin saldyrdy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń aqparatyna súiensek, óńirde koronavirýs infektsiiasyna qarsy vaktsina alǵysy keletin munaishylardyń sany artqan.
«Teńiz kenishindegi 4 myń qyzmetker «Spýtnik V» vaktsinasynyń I komponentin saldyrdy. «Teńizshevroil» kompaniiasy úshin densaýlyq saqtaý basqarmasy bólgen vaktsinalar sany tolyq igerildi. Qazir Teńiz ken orny qyzmetkerleriniń arasynda 9500 adam vaktsinatsiiadan ótýge niet bildirip otyr. Ken ornyndaǵy qyzmetkerlerdi vaktsinatsiialaý óńirge vaktsinalardyń kezekti partiiasynyń jetkizilýine qarai jalǵasady», -dep habarlady basqarmanyń baspasóz qyzmeti.
Belgili bolǵandai, «Teńizshevroil» JShS qyzmetkerlerin vaktsinatsiialaý erikti túrde júrgizilip jatyr. Ken ornyn igerip jatqan kásiporyn qyzmetin QR qoldanystaǵy zańnamasynyń talaptaryna, memlekettik baǵdarlamalar men hattamalarǵa sáikes júzege asyrýdy jalǵastyrýda.
