Atyraý oblysyndaǵy Teńiz kenishinde vahtalyq jumys merzimi eki ese uzartylady, dep habarlaidy "Ult aqparat".
«Teńizshevroil» JShS úkimetpen jáne jurtshylyqpen bailanys bóliminiń bas menedjeri Rzabek Artyǵalievtyń málimetinshe, 15 maýsym kúni Teńiz kenishinde jumysshylardyń vahtalyq aýysýy bastalǵan.
«Endi buryn 14 kún jumys istegender 28 kúnge aýystyrylady. Al, 28 kúndik vahtaǵa kelgender endi 56 kún jumys isteidi. Vahtalyq jumys merziminiń uzartylýy Qazaqstannyń eńbek zańdylyǵyna sáikes jumysshylardyń kelisimimen júrgiziledi», - dedi Rzabek Artyǵaliev.
Onyń aitýynsha, Teńiz ken ornynda 13 700 adam jumys istep jatyr. TShO qyzmetkerleriniń arasynan - 73, al merdiger mekemelerden - 1194 adam qaýipti indetti juqtyrǵan.
Sondai-aq, koronavirýs infektsiiasynan 806 adam jazylǵan. Qazir Teńiz kenishindegi infektsiialyq statsionarda 208 adam jatyr.
