اتىراۋ وبلىسىنداعى تەڭٸز كەنٸشٸندە ۆاحتالىق جۇمىس مەرزٸمٸ ەكٸ ەسە ۇزارتىلادى, دەپ حابارلايدى "ۇلت اقپارات".
«تەڭٸزشەۆرويل» جشس ٷكٸمەتپەن جەنە جۇرتشىلىقپەن بايلانىس بٶلٸمٸنٸڭ باس مەنەدجەرٸ رزابەك ارتىعاليەۆتىڭ مەلٸمەتٸنشە, 15 ماۋسىم كٷنٸ تەڭٸز كەنٸشٸندە جۇمىسشىلاردىڭ ۆاحتالىق اۋىسۋى باستالعان.
«ەندٸ بۇرىن 14 كٷن جۇمىس ٸستەگەندەر 28 كٷنگە اۋىستىرىلادى. ال, 28 كٷندٸك ۆاحتاعا كەلگەندەر ەندٸ 56 كٷن جۇمىس ٸستەيدٸ. ۆاحتالىق جۇمىس مەرزٸمٸنٸڭ ۇزارتىلۋى قازاقستاننىڭ ەڭبەك زاڭدىلىعىنا سەيكەس جۇمىسشىلاردىڭ كەلٸسٸمٸمەن جٷرگٸزٸلەدٸ», - دەدٸ رزابەك ارتىعاليەۆ.
ونىڭ ايتۋىنشا, تەڭٸز كەن ورنىندا 13 700 ادام جۇمىس ٸستەپ جاتىر. تشو قىزمەتكەرلەرٸنٸڭ اراسىنان - 73, ال مەردٸگەر مەكەمەلەردەن - 1194 ادام قاۋٸپتٸ ٸندەتتٸ جۇقتىرعان.
سونداي-اق, كوروناۆيرۋس ينفەكتسيياسىنان 806 ادام جازىلعان. قازٸر تەڭٸز كەنٸشٸندەگٸ ينفەكتسييالىق ستاتسيوناردا 208 ادام جاتىر.
