«Qyzyl» aimaqqa qaita oralǵan Atyraý oblysynyń Teńiz kenishindegi infektsiialyq statsionarda emdelip jatqan naýqastar sany 800 adamnan asty, dep habarlaidy Atyraý oblystyq densaýlyq saqtaý basqarmasynyń baspasóz qyzmeti.
Ótken táýlikte taǵy 101 adamnan koronavirýs infektsiiasy anyqtalyp otyr. Onyń ishinde Atyraý qalasynda 9 adamnan, Teńiz kenishinde 78 jumysshydan koronavirýs belgisi tabylǵan. Al Jylyoi aýdanynda – 2, Qurmanǵazy aýdanynda 12 adam qaýipti indetke shaldyqqan.
«Naýqastardyń 12-sinde simptom bar. Ótken táýlikte koronavirýs infektsiiasynan 32 adam emdelip shyqty. Qazir 321 adam úi jaǵdaiynda emdelýde. Oblystyq infektsiialyq statsionarda - 95, aýdandardaǵy statsionarlarda - 39, Teńiz kenishindegi statsionarda - 811 adam em qabyldap jatyr» dep málim etti basqarmanyń baspasóz qyzmetinen.
Eske sala ketelik, budan buryn Teńiz kenishinde bir táýlikte 144 jumysshydan koronavirýs anyqtalǵan bolatyn.
