Búgin Atyraýda Teńiz kenishiniń 20 jumysshysynan koronavirýs infektsiiasy anyqtaldy. Al, 25 jumysshy qaýipti indetten aiyqty, dep habarlaidy "Ult aqparat".
Óńirlik jedel shtabtyń málimetine súiensek, ótken táýlikte 21 adamnan qaýipti indettiń belgisi anyqtalǵan. Onyń ishinde Teńiz kenishiniń 20 jumysshysy bar. Al, taǵy bir naýqas Qurmanǵazy aýdanynyń turǵyny bolyp shyqty.
Sondai-aq, búgin koronavirýs infektsiiasynan 26 adam jazylyp shyqqan. Patsientterdiń 25-i –Teńiz kenishiniń jumysshylary. Al, bireýi Atyraý qalasynyń 52 jastaǵy turǵyny eken.
«Qaýipti indet Teńiz kenishinde jumys istegen 16 er adam men 4 áielden anyqtaldy. Sonymen birge, Qurmanǵazy aýdanynyń 48 jastaǵy turǵyny buryn indet juqtyrǵanmen bailanysta bolǵan. Bári infektsiialyq statsionarǵa jatqyzylyp, algoritmge sáikes em qabyldaýda. Al, búgin qaýipti indetten aiyqqandardyń bári ózderin jaqsy sezinedi. Olardan koronavirýstyń bar-joǵyn anyqtaý úshin alynǵan sońǵy test teris nátije kórsetti», - dep habarlady jedel shtabtan.
Búgin Atyraý oblysynda koronavirýs infektsiiasyn juqtyrǵandar 944 adamǵa jetti. Al, jazylyp shyqqan patsientterdiń sany 262 adamdy qurady.
