Atyraý oblysyndaǵy Teńiz munai ken ornynda jarylys bolyp, saldarynan eki jumysshy qaza tapty, dep habarlaidy "Ult aqparat" Atyraý oblysynyń politsiia departamentine silteme jasap.
Jarylys qubyrdy synaqtan ótkizý kezinde bolǵan. Boljam boiynsha, qubyr qysymǵa tótep bere almaǵan.
"6 shilde saǵat 09:55 shamasynda Jylyoi aýdanyndaǵy Teńiz ken ornynda qubyr jaryldy. Saldarynan 1985 jylǵy eki jumysshy mert boldy. Túrli jaraqat alǵan úsh jumysshyǵa meditsinalyq kómek kórsetilip jatyr", - dep málimdedi politsiia.
Bul faktige qatysty Qylmystyq kodekstiń 156-baby 3-tarmaǵy boiynsha (Eńbekti qorǵaý qaǵidalaryn buzý) tergeý bastaldy. Ózge aqparat Qazaqstan QIJK-niń 201-babyna sáikes jariialaýǵa jatpaidy.
