Qazaqstan Atyraý oblysyndaǵy Teńiz munai-gaz ken ornyn igere bastaǵaly 132 mlrd dollar tabys aldy, dep habarlaidy "Ult aqparat" TShO baspasóz qyzmetine silteme jasap.
«1993 jyldan 2018 jyldyń qyrkúiegine deiin TShO kompaniiasynyń Qazaqstan Respýblikasyna tikelei quiǵan qarjylai tólemderi 132 milliard AQSh dollarynan asty. Osy somanyń ishine qazaqstandyq qyzmetkerlerge tólengen jalaqy, otandyq taýar óndirýshiler men qyzmet kórsetýshilerdiń taýarlary men qyzmetteriniń tólemderi, memlekettik kásiporyndarǵa tólengen tólemder, qazaqstandyq serikteske memlekettik biýdjetke aýdarylatyn salyqtar jáne roialti túrindegi dividend tólemderi de kiredi. 2018 jyldyń úsh toqsanynda Qazaqstan Respýblikasyna tikelei tólemder 7,2 milliard AQSh dollarynan asty», - dep málimdedi kompaniianyń baspasóz qyzmeti.
Buǵan deiin, Teńiz ken ornynda biylǵy qańtar-qyrkúiek ailarynda 21,5 mln tonna nemese 171,3 mln barrel munai, 1 mln tonna suiytylǵan gaz, 6,9 mlrd tekshe metr qurǵaq gaz jáne 1,8 mln tonna kúkirt óndirilgenin habarlaǵan bolatynbyz.
.jpeg)