Teńiz vahtalyq eldi mekenindegi jumysshylarmen Atyraý oblysy ákiminiń birinshi orynbasary Serik Shapkenov kezdesti, – dep habarlaidy Ult aqparat oblys ákimdigine silteme jasap.
«Sohsolited Contracting Endihering and Prourement S.A.L Offshore» jumysshylarymen kezdesý barysynda turmystyq janjaldyń ýshyǵýyna jol bermeý týraly túsindirý júrgizilip, sondai-aq ken ornynda jumysty uiymdastyrý máselesi talqylandy. Osy máselelerdi pysyqtaýmen vedomstvoaralyq komissiia ainalysady, onyń quramyna memorgandarmen qatar, kompaniia jáne TShO ókilderi kiredi» delingen Atyraý oblysy ákimdigi málimetinde.
Belgili bolǵandai, komissiiaǵa oblys ákiminiń birinshi orynbasary S.Shapkenov jetekshilik etedi.
«Kezdesý qorytyndysy boiynsha, jumysshylar ózderiniń qyzmetterine kiristi, jaǵdai turaqtandy. TShO meditsinalyq pýnktinde 30 adamǵa kómek kórsetildi. Qazirgi kezde olardyń densaýlyq jaǵdaiyna qatysty eshqandai qaýip joq. Qaza bolǵandar tirkelmedi» dep habarlady.
Budan buryn habarlanǵandai, búgin saǵat 11:00 shamasynda «Teńiz» vahtalyq qalashyǵynda (Jylyoi aýdany Qulsary qalasynan 120 km, Atyraý qalasynan 340 km) «Sohsolited Contracting Endihering and Prourement S.A.L Offshore (CSER)» kompaniiasynyń jumysshylary jumys ýchaskesine jinalyp, Liviia azamaty Eli Daoud-tiń jaqynda WhatsApp jelisiniń profiline ornalastyrǵan fotosýretine narazylyq bildirdi.
