«Tengri Bank» AQ salymshylaryna bes kún ishinde 10,7 mlrd teńge tólendi, dep habarlaidy "Ult aqparat" Qazaqstannyń depozitterge kepildik berý qorynyń baspasóz qyzmetine silteme jasap.
Qazaqstannyń depozitterge kepildik berý qory agent bank retinde tańdap alǵan Eýraziialyq bank arqyly «Tengri Bank» AQ salymshylaryna alǵashqy 5 kún ishinde 10,7 mlrd teńge tólendi.
«Bul kepildik berilgen ótemdi tóleý boiynsha qor mindettemeleriniń jalpy somasynyń 60,4 paiyzyn quraidy. Ótem alý boiynsha agent bankke «Tengri Bank» AQ-tyń 2,3 myńdai salymshysy ótinish berip úlgerdi. Olardyń kópshiligi Almatydan – 599 adam. Pavlodardan – 328, al Nur-Sultan qalasynan – 319 adam. Qazaqstan Respýblikasy oblystarynyń basym bóligindegi salymshylar aldyndaǵy ótelgen mindettemelerdiń úlesi 50 paiyzdan joǵary», delingen habarlamada.
Eýraziialyq banktiń onlain-servisteri salymshylarǵa kezekke turýdy qaraýǵa, bólimshelerdegi jumysbastylyqty baǵalaýǵa, kepildik berilgen ótem somasyn tekserýge, sondai-aq karta jasap shyǵarý jáne ony tegin jetkizý jóninde qashyqtan ótinish berý arqyly tólemderdi qashyqtan alý optsiiasyn paidalanýǵa múmkindik berdi.
Kelip túsken ótinishterdiń statistikasyna sáikes, alǵashqy kúni tólem kartasyn shyǵarý 2,5 esege ósken.
Tengri Bank salymshylary kepildik berilgen ótemdi kartaǵa aýdarýdan basqa, ony Eýraziialyq banktiń bólimshelerinen myna tásilder boiynsha ala alady: Agent banktiń kassasynan qolma-qol aqshamen; Aqshany agent banktegi bank shotyna nemese kez kelgen basqa bankke aýdarý arqyly. Ótemdi alý tásilin salymshylary ózderi tańdaidy.
Eske salaiyq, 2020 jyldyń 18 qyrkúieginde QR Qarjy naryǵyn retteý jáne damytý agenttigi «Tengri Bank» AQ-ny barlyq bank operatsiialaryn júrgizý litsenziiasynan aiyrý týraly sheshim qabyldaǵan bolatyn.
