Almaty qalasynyń mamandandyrylǵan aýdanaralyq ekonomikalyq sotynyń «Tengri Bank» AQ qyzmetin májbúrli túrde toqtatý týraly sheshimi zańdy kúshine endi, dep habarlaidy Zakon.kz saity.
Qarjy naryǵyn retteý jáne damytý agenttigi tóraǵasynyń buiryǵymen bankti taratý komissiiasynyń quramy taǵaiyndalǵan. Qoldanystaǵy zańnama sheńberinde oǵan bank isin basqarý ókilettiligi beriledi.
Bankti taratý komissiiasynyń tóraǵasy bolyp atalǵan agenttiktiń qyzmetkeri Ogai Oksana Dmitrievna taǵaiyndaldy.
«Zań talaptaryna sáikes endi úsh jumys kúni ishinde bankti májbúrlep taratý týraly sot sheshimi jáne ýákiletti organnyń taratý komissiiasyn taǵaiyndaýy týraly habarlama kópshilikke jariia etilip, onyń ishinde banktiń internet-resýrsynda da ornalastyrylady. Al on jumys kúni ishinde bul aqparatty Qazaqstan Respýblikasy Ádilet ministrliginiń resmi basylymdary qazaq jáne orys tilderinde jariialaýǵa tiis», - dep habarlady Qarjy naryǵyn retteý jáne damytý agenttiginiń baspasóz qyzmeti.
