Foto: Sputnik / Vladislav Vodnev
Qarjy ministri Erulan Jamaýbaev teńge kúrt quldyraǵan kezde dollar satyp alǵan qazaqstandyqtardy utylyp qalǵandar dep atady, dep habarlaidy Sputnik Qazaqstan.
Úkimet kýlýarynda jýrnalister naqtylanǵan biýdjette dollar baǵamynyń 460 teńge bolyp bekitilýi ulttyq valiýtanyń álsireýin moiyndaý emes pe dep surady.
"Biz biýdjetke boljamdy baǵam emes, eseptik baǵamdy engizemiz. Valiýta aǵynyn, indeksatsiiany, baǵam aiyrmasyn báribir de esepteý kerek. Sol sebepti biz bir dollardy 460 teńge dep aldyq. Men bul jerde áldekim jeńilisti moiyndady nemese qandai bir "katastrofa" boldy dep oilamaimyn", - dep jaýap berdi Jamaýbaev.
Ministr dollar 500 teńgeden asqan kezde sheteldik valiýta satyp alǵandar qazir utylyp qalǵanyn aitty.
"Valiýta bir dollarǵa 500 teńgege deiin sharyqtaǵany esterińizde shyǵar. Eshqandai "katastrofa" bolǵan joq qoi, kerisinshe, teńge óz baǵamyn qaitardy. Sol kezde valiýta baǵamyna aldanyp, dollar satyp alǵandar utylyp qaldy. Men keshirim suraimyn, árine, biraq qazir olar utylǵandar, al bári tynyshtalǵanyn kútip, áliptiń artyn baqqandar, kerisinshe, utqandar", - dedi ol.
