Qazaqstannyń depozitterge kepildik berý qory teńgelik depozitter boiynsha 2022 jyldyń maýsymyna usynylatyn eń joǵary syiaqy mólsherlemelerin bekitti, - dep habarlaidy "Ult aqparat" qordyń baspasóz qyzmetine silteme jasap.
"3 jáne 6 aiǵa arnalǵan merzimsiz, merzimdi jáne jinaq depozitter, sondai-aq 12 jáne 24 aiǵa arnalǵan merzimdi depozitter boiynsha maksimal mólsherlemeler ózgerissiz qaldy jáne mamyrdaǵy deńgeide saqtaldy", - delingen habarlamada.
Qor málimetinshe, 12 jáne 24 aiǵa arnalǵan jinaq depozitter boiynsha maksimal mólsherlemeler depozit naryǵynyń osy segmentinde ortasha ólshemdi mólsherlemelerdiń ósýine bailanysty sáikesinshe 0,1 paiyzdyq tarmaqqa jáne 0,2 paiyzdyq tarmaqqa joǵarylaǵan.
Eske salaiyq, 25 sáýirde Ulttyq bank bazalyq mólsherlemeni +/- 1,00 paiyzdyq tarmaq dálizimen jyldyq 14 paiyzǵa deiin kótergen bolatyn.
