Ulttyq bank tóraǵasynyń orynbasary Áliia Moldabekova valiýta naryǵyndaǵy jaǵdai týraly aitty, dep habarlaidy QazAqparat.
Áliia Moldabekova ishki naryqtaǵy jaǵdai men qazirgi munai baǵalarynyń áserinen teńgeniń «áldene almaýyna» qatysty sarapshylardyń pikirine toqtaldy.
«Shynymen munai baǵasy bir aida 8,4%-ǵa ósken kezde maýsymda teńge baǵamy 30 shildede jabylý boiynsha bir AQSh dollary úshin 424,95 teńgege deiin 0,9%-ǵa ortasha nyǵaidy. Munai ulttyq valiýtanyń baǵamyna áser etetin negizgi faktor bolýyn jalǵastyrýda. Munaidyń oń serpininen teńgeniń jetkiliksiz áser etýi teńge baǵamy syrtqy jáne ishki faktorlardy qosa alǵanda, teris faktorlar jiyntyǵynyń yqpalynda bolýymen túsindiriledi», - dedi Áliia Moldabekova .
Onyń aitýynsha, bir ai ishinde damýshy naryqtar valiýtalarynyń jalpy teris serpinin jáne álemdik valiýta naryǵynda AQSh dollary baǵamy ózgergen.
«Al maýsymda teńgege qysym kórsetken ishki faktorlar týraly aitsaq, onda birinshi kezekte iskerlik belsendilik qalpyna kelýi jáne keiinge qaldyrylǵan suranys iske asyrylýy aiasynda taýarlar importynyń ósýin atap ótken jón. Biz 2021 jylǵy qańtar-sáýirde ótken jylǵy uqsas kezeńmen salystyrǵanda import tutynýshylyq azyq-túlikke jatpaityn taýarlar men óndiris quraldary importy ósýi esebinen $11,4 mlrd - qa deiin 11,5%-ǵa óskenin atadyq», - deidi spiker.
Shetel valiýtasyna suranystyń ósýi saýda-sattyq kólemi ulǵaiýynan baiqalady. Teńge-dollar jubymen saýda-sattyqtyń birjalyq kólemi maýsymda 3,16 mlrd AQSh dollaryna deiin ósti, al 2021 jylǵy alǵashqy bes aidyń qorytyndysy boiynsha saýda-sattyqtyń ortasha kólemi aiyna 2,45 mlrd AQSh dollaryn quraidy.
«Shetel valiýtasyna suranystyń artýy sheteldik investorlarǵa dividendter tóleý siiaqty maýsymdyq faktorlarǵa da bailanysty. Ótken jyly daǵdarys aiasynda dividendter tóleý óte shekteldi, osy jyly bul faktor mamyr jáne masymda valiýta naryǵyndaǵy suranys jaǵynan mańyzdy. Atalǵan faktorlardyń barlyǵy ulttyq valiýtanyń odan ári nyǵaiýyn shektedi», - deidi Ulttyq bank ókili.
Shetel valiýtasyna suranystyń artýyna qaramastan, naryqta eleýli teńgerimsizdikter bolǵan joq.
«Ulttyq bank interventsiia júrgizgen joq. Biýdjetke transfertterdi júzege asyrý úshin Ulttyq qor qarajatyn konvertatsiialaý kólemi 1093 mln AQSh dollaryn, al kvazimemlekettik sektor tarapynan valiýtany satý – 260 mln AQSh dollaryn qurady», - deidi ol.
