QR Ulttyq banki dollar baǵamynyń ósý sebepterin aitty, dep habarlaidy QazAqparat tilshisi.
«Shilde aiynyń sońynda teńgeniń birjalyq kýrsy jyl basyna qaraǵanda 4,3 paiyzǵa álsirep, 1 AQSh dollaryna 346,7 teńgeni qurady. Teńgeniń aǵymdaǵy jyldyń mamyr-shilde ailarynda álsireýi birinshi kezekte damýshy elderdi valiýtalaryna AQSh dollarynyń jalpy nyǵaiýymen jáne AQSh Federaldy rezervtik júiesiniń paiyzdyq stavkasynyń artýy aiasynda damýshy naryqtardan kapitaldyń yǵysýymen bailanysty», - dedi Ulttyq bank tóraǵasynyń orynbasary Oleg Smoliakov Úkimet otyrysynda.
Onyń aitýynsha, damýshy naryqtardaǵy ortaq tendentsiia Qazaqstanǵa da áserin tigizdi.
«Sońǵy kúnderdegi ishki valiýtalyq naryqta oryn alyp otyrǵan ahýal geosaiasi qysym aiasynda negizgi saýda seriktes elderdiń valiýtasyndaǵy aitarlyqtai qubylmalyqpen túsindirdi. Máselen, 13 tamyzda teńge baǵamy 1 dollarǵa 363,22 teńgeni qurap, tamyz aiynyń basynan beri teńge 4,8 paiyzǵa, al jyl basynan 9,3 paiyzǵa álsiredi», - dedi Ulttyq bank ókili.
Oleg Smoliakov Ulttyq banktiń valiýta naryǵyndaǵy ahýalǵa turaqty monitoring júrgizip otyrǵanyn, qajet bolǵan jaǵdaida qysqa merzimdi baǵam aýytqýyn turaqtandyrýǵa baǵyttalǵan interventsiia júrgizýge daiyn ekendigin basa aitty.
«Bul rette qazaqstandyq teńge eń sezimtal valiýta emes. Birinshi jartyjyldyqta irgeli tólem balansy aldyn ala baǵalaýlarǵa qaraǵanda aǵymdaǵy esepshottardyń tapshylyǵy ótken jyldyń birinshi jartyjyldyǵyndaǵy jaǵdaidan eki ese jaqsy. Qarjylyq esepshottar boiynsha teńgerimdi aǵyndy kórip otyrmyz jáne bul tolyqtai alǵanda jyl basynan beri 17 paiyzǵa arzandaǵan reseilik rýblge qatysty baiqalady. Teńge birshama turaqty», - dedi Ulttyq bank tóraǵasynyń orynbasary.
