Mamyr aiynyń qorytyndysy boiynsha teńge baǵamy 1 dollar úshin 415,16 teńgege deiin nemese 6,8%-ǵa nyǵaidy, dep habarlady QazAqparat agenttigi Ulttyq bankke silteme jasap.
Saýda-sattyqtyń jalpy kólemi 2,2 mlrd AQSh dollary bolǵan kezde Qazaqstan qor birjasyndaǵy saýda-sattyqtyń ortasha kúndik kólemi 115 mln AQSh dollaryn qurady. «Ulttyq valiýtanyń nyǵaiýyna birqatar faktor áser etti, onyń ishinde: energiia tasymaldaýshylardyń turaqty joǵary baǵasy men eksporttaýshylardyń salyqtyq tólemder kezeńi, jeke tulǵalar tarapynan shetel valiýtasyna suranystyń tómendeýine bailanysty naryqqa qatysýshylardyń sentimentiniń ózgerýi, resei rýbliniń de, tutastai alǵanda, damýshy elderdegi valiýtalardyń baǵamy da bar. Sonymen qatar valiýta naryǵyndaǵy usynys kólemi mamyrda, shamamen, 598 mln AQSh dollaryn quraǵan kvazimemlekettik sektor sýbektileriniń valiýtalyq túsimdi satýy esebinen qoldaý tapty», - delingen Banktiń habarlamasynda.
