مامىر ايىنىڭ قورىتىندىسى بويىنشا تەڭگە باعامى 1 دوللار ٷشٸن 415,16 تەڭگەگە دەيٸن نەمەسە 6,8%-عا نىعايدى, دەپ حابارلادى قازاقپارات اگەنتتٸگٸ ۇلتتىق بانككە سٸلتەمە جاساپ.
ساۋدا-ساتتىقتىڭ جالپى كٶلەمٸ 2,2 ملرد اقش دوللارى بولعان كەزدە قازاقستان قور بيرجاسىنداعى ساۋدا-ساتتىقتىڭ ورتاشا كٷندٸك كٶلەمٸ 115 ملن اقش دوللارىن قۇرادى. «ۇلتتىق ۆاليۋتانىڭ نىعايۋىنا بٸرقاتار فاكتور ەسەر ەتتٸ, ونىڭ ٸشٸندە: ەنەرگييا تاسىمالداۋشىلاردىڭ تۇراقتى جوعارى باعاسى مەن ەكسپورتتاۋشىلاردىڭ سالىقتىق تٶلەمدەر كەزەڭٸ, جەكە تۇلعالار تاراپىنان شەتەل ۆاليۋتاسىنا سۇرانىستىڭ تٶمەندەۋٸنە بايلانىستى نارىققا قاتىسۋشىلاردىڭ سەنتيمەنتٸنٸڭ ٶزگەرۋٸ, رەسەي رۋبلٸنٸڭ دە, تۇتاستاي العاندا, دامۋشى ەلدەردەگٸ ۆاليۋتالاردىڭ باعامى دا بار. سونىمەن قاتار ۆاليۋتا نارىعىنداعى ۇسىنىس كٶلەمٸ مامىردا, شامامەن, 598 ملن اقش دوللارىن قۇراعان كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمدٸ ساتۋى ەسەبٸنەن قولداۋ تاپتى», - دەلٸنگەن بانكتٸڭ حابارلاماسىندا.
