Qazaqstan Ulttyq Banki Monetarlyq operatsiialar departamentiniń direktory Nurjan Tursynhanov teńge baǵamyna qatysty oiymen bólisti, dep habarlaidy "Ult aqparat".
Ótken jumadan beri teńge baǵamy 0,54%-ǵa álsirep, búgin tańerteń 430,20 teńge boldy.
«Eń aldymen ulttyq valiýtaǵa munai baǵasynyń tómendeýi yqpal etedi. Brent surypty munai baǵasy ótken jumamen salystyrǵanda 3%-dan astam tómendedi jáne búgin bir barrel úshin $40,5 boldy. Baǵanyń tómendeýine AQSh, Frantsiia men Reseidi qosa alǵanda birqatar elderde COVID-19-dy juqtyrý jaǵdailary sanynyń kúrt ósýine bailanysty suranystyń baiaýlaýynan qaýiptený yqpal etedi. Liviia ulttyq munai korporatsiiasynyń munai óndirý deńgeiin táýligine 1 million barrelge deiin qalpyna keltirý týraly habarlamasy munai baǵasyna qosymsha qysym ákeldi», - dedi Nurjan Tursynhanov.
Onyń aitýynsha, AQSh-taǵy shiki munai qorynyń ósýi týraly jańalyqtar munai baǵasyna qysym kórsetýdiń qosymsha faktory boldy.
«Álemdik qor naryqtarynda da jaǵdai ázirge kóńil kónshiterlik emes. Ekonomikany qoldaý sharalary men fiskaldyq sharalar toptamasy boiynsha kelissózderdegi úzilis, sondai-aq epidemiologiialyq jaǵdaidyń nasharlaýy aiasynda AQSh-tyń aktsiialar naryǵy saýda-sattyqtyń sońǵy úsh kúninde quldyrap jatyr. Eýropa naryqtary syrqattanýshylar sanynyń ósýine bailanysty engizilgen shekteý sharalary aiasynda tómendep barady.
Osynyń áserinen damýshy elderdiń aktivterine suranysynyń tómendeýi baiqalady. Jumamen salystyrǵanda Meksika pesosy dollarǵa shaqqanda 0,7%-ǵa, Resei rýbli 1,5%-ǵa, Braziliia realy 1,6%-ǵa, al Túrkiia lirasy 2,9%-ǵa álsiredi. Túrik lirasynyń baǵamy Túrkiianyń Frantsiiamen qarym-qatynasyndaǵy shielenisterge jáne ortalyq banktiń negizgi mólsherlemeni ózgerissiz saqtaý týraly sheshimine bailanysty rekordtyq minimýmdy jańartty. Resei rýbli salyq aptasy aiaqtalǵannan keiin jáne damýshy elder naryqtaryndaǵy jalpy úrdisten keiin álsiredi. Biýdjettik qaǵidalar jáne Sberbank aktsiialary boiynsha mámileden valiýta qaldyǵyn satý sheńberindegi turaqty operatsiialardan basqa, RF Ortalyq banki 26 qazannan bastap Qarjy ministrliginiń «Aeroflot» JAQ aktsiialarymen mámilesi sheńberinde valiýtany qosymsha satýǵa kiristi», - dedi sarapshy.
Teńgeniń aiyrbastaý baǵamy energiia tasymaldaýshylar naryqtaryndaǵy jáne damýshy elder naryqtaryndaǵy negizgi úrdisterge sáikes kelip otyr.
