Teńge baǵamy qańtardyń basynan bastap 1,7 paiyzǵa nyǵaidy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Biylǵy aqpan-naýryzda munai óndirýdi qysqartý týraly OPEK+ sheshiminiń esebinen biylǵy jylǵy qańtarda munai baǵasynyń ósýi oryn aldy. Baǵa ósýiniń oń serpini aqpanda da jalǵasyp, munai baǵasy bir barrel úshin 63,3 AQSh dollaryna jetti», - dedi Ulttyq bank tóraǵasy.
Onyń aitýynsha, munai baǵasynyń óskenimen AQSh dollarynyń ósýi sebebinen damýshy elder valiýtalarynyń álsireýi oryn aldy.
Nátijesinde qańtarda Braziliia realy 5,4, Meksika pesosy – 3,3, Ońtústik Afrika randy men Resei rýbli - 3,2 álsiredi.
Teńge bir AQSh dollary úshin 424,21 teńgege deiin 0,8 paiyzǵa tómendedi.
«Respýblikalyq biýdjetke transfert bólý, kvazimemlekettik sektor kompaniialarynyń eksporttyq valiýta túsiminiń bir bóligin satýy aiasynda Ulttyq qor aktivterin konvertatsiialaý teńge baǵamyna oń áserin tigizdi. Birjadaǵy saýda-sattyq qorytyndysy boiynsha biylǵy jylǵy 15 aqpanda teńge baǵamy bir AQSh dollary úshin 416,92 teńge bolyp, ai basynan bastap 1,7 paiyzǵa nyǵaidy», - dedi Erbolat Dosaev.
