تەڭگە باعامى قاڭتاردىڭ باسىنان باستاپ 1,7 پايىزعا نىعايدى. بۇل تۋرالى بٷگٸن ٷكٸمەت وتىرىسىندا قر ۇلتتىق بانك تٶراعاسى ەربولات دوساەۆ ايتتى, دەپ حابارلايدى قازاقپارات.
«بيىلعى اقپان-ناۋرىزدا مۇناي ٶندٸرۋدٸ قىسقارتۋ تۋرالى وپەك+ شەشٸمٸنٸڭ ەسەبٸنەن بيىلعى جىلعى قاڭتاردا مۇناي باعاسىنىڭ ٶسۋٸ ورىن الدى. باعا ٶسۋٸنٸڭ وڭ سەرپٸنٸ اقپاندا دا جالعاسىپ, مۇناي باعاسى بٸر باررەل ٷشٸن 63,3 اقش دوللارىنا جەتتٸ», - دەدٸ ۇلتتىق بانك تٶراعاسى.
ونىڭ ايتۋىنشا, مۇناي باعاسىنىڭ ٶسكەنٸمەن اقش دوللارىنىڭ ٶسۋٸ سەبەبٸنەن دامۋشى ەلدەر ۆاليۋتالارىنىڭ ەلسٸرەۋٸ ورىن الدى.
نەتيجەسٸندە قاڭتاردا برازيلييا رەالى 5,4, مەكسيكا پەسوسى – 3,3, وڭتٷستٸك افريكا راندى مەن رەسەي رۋبلٸ - 3,2 ەلسٸرەدٸ.
تەڭگە بٸر اقش دوللارى ٷشٸن 424,21 تەڭگەگە دەيٸن 0,8 پايىزعا تٶمەندەدٸ.
«رەسپۋبليكالىق بيۋدجەتكە ترانسفەرت بٶلۋ, كۆازيمەملەكەتتٸك سەكتور كومپانييالارىنىڭ ەكسپورتتىق ۆاليۋتا تٷسٸمٸنٸڭ بٸر بٶلٸگٸن ساتۋى اياسىندا ۇلتتىق قور اكتيۆتەرٸن كونۆەرتاتسييالاۋ تەڭگە باعامىنا وڭ ەسەرٸن تيگٸزدٸ. بيرجاداعى ساۋدا-ساتتىق قورىتىندىسى بويىنشا بيىلعى جىلعى 15 اقپاندا تەڭگە باعامى بٸر اقش دوللارى ٷشٸن 416,92 تەڭگە بولىپ, اي باسىنان باستاپ 1,7 پايىزعا نىعايدى», - دەدٸ ەربولات دوساەۆ.
