Tokiodaǵy Paralimpiada oiyndarynyń kúmis júldegeri Temirjan Dáýlet Jambyl oblysyndaǵy jarylys saldarynan qaitys bolǵandardyń úi ishine kóńil aitty, dep habarlaidy QazAqparat.
Tokioda ótip jatqan Paralimpiada oiyndarynda dziýdo kúresinen kúmis medal alǵan Temirjan Dáýlet júldesin el táýelsizdiginiń 30 jyldyǵy men Jambyl oblysyndaǵy jarylystan zardap shekkenderge arnaitynyn aitty.
«Osy júldemdi Qazaqstannyń táýelsizdigine arnaimyn. Jambyl oblysyndaǵy oqys oqiǵa saldarynan adamdar qaitys bolyp, birtalai adam jaraqat aldy. Birneshe otbasy tireginen aiyryldy. Júldemdi solarǵa arnaimyn. Alla taǵala olarǵa sabyr bersin», - dedi sportshy.
Eske salsaq, Tokioda ótip jatqan Paralimpiada oiyndarynda qazaqstandyq paradziýdoshy Temirjan Dáýlet kúmis medal ielengen bolatyn.
73 keli salmaq dárejesi boiynsha finalynda ózbekstandyq Ferýz Saidov qazaqstandyq sportshyny ippon ádisimen jeńip ketti. Temirjan Dáýlet jartylai finalda grýzin Georgii Kaldanidi ippon ádisimen jeńgen edi.
