توكيوداعى پاراليمپيادا ويىندارىنىڭ كٷمٸس جٷلدەگەرٸ تەمٸرجان دەۋلەت جامبىل وبلىسىنداعى جارىلىس سالدارىنان قايتىس بولعانداردىڭ ٷي ٸشٸنە كٶڭٸل ايتتى, دەپ حابارلايدى قازاقپارات.
توكيودا ٶتٸپ جاتقان پاراليمپيادا ويىندارىندا دزيۋدو كٷرەسٸنەن كٷمٸس مەدال العان تەمٸرجان دەۋلەت جٷلدەسٸن ەل تەۋەلسٸزدٸگٸنٸڭ 30 جىلدىعى مەن جامبىل وبلىسىنداعى جارىلىستان زارداپ شەككەندەرگە ارنايتىنىن ايتتى.
«وسى جٷلدەمدٸ قازاقستاننىڭ تەۋەلسٸزدٸگٸنە ارنايمىن. جامبىل وبلىسىنداعى وقىس وقيعا سالدارىنان ادامدار قايتىس بولىپ, بٸرتالاي ادام جاراقات الدى. بٸرنەشە وتباسى تٸرەگٸنەن ايىرىلدى. جٷلدەمدٸ سولارعا ارنايمىن. اللا تاعالا ولارعا سابىر بەرسٸن», - دەدٸ سپورتشى.
ەسكە سالساق, توكيودا ٶتٸپ جاتقان پاراليمپيادا ويىندارىندا قازاقستاندىق پارادزيۋدوشى تەمٸرجان دەۋلەت كٷمٸس مەدال يەلەنگەن بولاتىن.
73 كەلٸ سالماق دەرەجەسٸ بويىنشا فينالىندا ٶزبەكستاندىق فەرۋز سايدوۆ قازاقستاندىق سپورتشىنى يپپون ەدٸسٸمەن جەڭٸپ كەتتٸ. تەمٸرجان دەۋلەت جارتىلاي فينالدا گرۋزين گەورگيي كالدانيدٸ يپپون ەدٸسٸمەن جەڭگەن ەدٸ.
