Temirtaýdaǵy garajdardyń birinen 16 jastaǵy maýgli-jasóspirim tabyldy, - dep habarlaidy Tengrinews.kz agenttigi.
Temirtaý turǵyny Natalia Ivanova Tengrinews.kz tilshisine garajda qamaýda otyrǵan kámeletke tolmaǵan balanyń taǵdyry týraly aityp berdi. Ol bala asyrandy ekenin aitty. Áieldiń aitýynsha, bala jaza da, oqi da almaidy jáne múlde eshkimmen aralaspaidy.
"Bala Maýgli siiaqty. Ol asyrap alǵan otbasynda ósti. Óz ata-anasy qaida ekeni belgisiz. Sondai-aq, asyrap alǵan ata-ananyń bala asyrap alý qujattary men onyń týý týraly kýáligi de joq ekenin aityp júr. Sol sebepti de bala mektepke barmaǵan shyǵar. Oǵan qarai almai, garajǵa qamap qoiǵan", - deidi shahar turǵyny.
Qaraǵandy oblystyq Politsiia departamentiniń baspasóz qyzmeti jaǵdaiǵa qatysty pikir bildirdi. Tengrinews.kz tilshisiniń resmi saýalyna vedomstvo jasóspirim tamyzda tabylǵanyn aitty.
"Temirtaý qalasynyń politsiia qyzmetkerleri tamyzdyń basynda garajdardyń birinen bostandyǵynan aiyrylǵan jasóspirim tabylǵanyn anyqtady. Oǵan durys tárbie bermegen Temirtaý qalasynyń turǵyny anyqtaldy. Fakt boiynsha Qazaqstan Respýblikasy Qylmystyq kodeksiniń 126-baby "Bas bostandyǵynan zańsyz aiyrý" jáne Qazaqstan Respýblikasy Qylmystyq kodeksiniń 141-baby "Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tiisinshe oryndamaý" boiynsha qylmystyq ister qozǵaldy", - dedi Qaraǵandy oblysy PD baspasóz qyzmeti ókilderi.
Sondai-aq, departament búginde oqiǵaǵa qatysýshylardyń barlyǵy anyqtalyp, jaýap alynǵanyn qosty. Qajetti saraptamalar júrgizilgen. Tergeý jalǵasyp jatyr.
