Foto: Vecherniaia Karaganda
Temirtaýdaǵy jarylystan keiin qirap qalǵan dúken ǵimaratynyń astynan bir adamnyń máiiti tabyldy, dep habarlaidy "Ult aqparat" Kazinformǵa silteme jasap.
Tańǵy 09:49 kezinde qutqarýshylar úiindi astynan áieldiń denesin syrtqa shyǵardy.
Jedel járdem brigadasy ólim faktisin rastady.
Eske sala keteiik, búgin tańerteń Temirtaýda qos qabatty dúken ǵimaratynda gaz jarylǵan bolatyn. Dúken opyrylyp, órtengen.
Saǵat 08:44 shamasynda úiindi astynan áiel adam shyǵaryldy.
TJM saǵat 09:08 kezinde órt oqshaýlanǵanyn habarlady.
Úiindi astynan tabylǵan marqum dúkenniń satýshysy bolǵan. Ekinshi zardap shekken áiel — saýda jasaýǵa kelgen qala turǵyny.
Ol aýrýhanada jatyr.
