Temirtaý qalasynyń Jastar resýrstyq ortalyǵy demeýshilermen birlesip vaktsinatsiialanǵan qala turǵyndary arasynda tórt iPhone jáne baǵaly syilyqtar utys oiynyn iske qosty, dep habarlaidy "Ult aqparat".
Utys oiynyna qatysý úshin 2–30 tamyz aralyǵynda koronavirýsqa qarsy vaktsinanyń birinshi komponentin alý kerek.
«Tórt iPhone 11 jáne basqa da qundy syilyqtardyń utys oiyny qala turǵyndaryn vaktsinatsiialaýǵa yntalandyrý úshin ótkiziledi. Qazir elimizde jáne bizdiń óńirde epidemiologiialyq jaǵdai kúrdeli ekeni barshaǵa málim. Tek vaktsinatsiia ǵana bizge ózimizdi qaýipsizdendirýge jáne pandemiiany jeńýge kómektesedi. Biz azamattardy vaktsinatsiiadan ótýge jáne bizdiń utys oiynyna qatysýǵa shaqyramyz», – dep atap ótti Temirtaý jastar resýrstyq ortalyǵynda.
Alǵashqy iPhone 2–8 tamyz aralyǵynda vaktsina alǵandar úshin oinatylady.
Ekinshi telefondy 9–15 tamyz aralyǵynda vaktsinatsiialanǵan adam alady. 16–22 tamyz aralyǵynda vaktsinatsiialanǵan úshinshi gadjetti syilyqqa alady. Tórtinshi telefon 23–29 tamyz aralyǵynda vaktsinatsiia pýnktine baryp, ekpe alǵan Temirtaý qalasynyń turǵynyna beriledi.
«Júlde iegeri bolý úshin vaktsinatsiia pýnktin tańdap, vaktsinatsiia jasap, 9, 16, 23 jáne 30 tamyz kúnderi utys nátijelerin kútý kerek. Jeńimpazdar kezdeisoq tańdaý ádisimen anyqtalady», – dedi Temirtaý jastar resýrstyq ortalyǵynda.
