Temirtaýda 12 jastaǵy bala kóshedegi tóbeles saldarynan qaitys boldy, - dep habarlaidy "Ult aqparat".
Ol tóbelesip jatqan dostaryn ajyratpaq bolǵan, sol sátte bir bala onyń basynan urǵan, oqiǵa bolǵan jerde ol esinen tanyp qaldy. Jelide tóbelestiń videosy jariialandy.
"Vega aýdanynda tóbeles saldarynan bala qaitys boldy. Ol tóbelespegen, tek ajyratqysy kelgen. Tobymyz balanyń jaqyndary men týystaryna kóńil aitady", - delingen videojazba habarlamasynda.
Politsiia habaryna qaraǵanda, 24 shildede Starogorod politsiia bólimshesiniń kezekshi bólimine Temirtaý qalalyq balalar aýrýhanasynda qalanyń 12 jastaǵy turǵyny qaitys bolǵany týraly habarlama túsken. Politsiia málimetinshe, jábirlenýshi aýlada 13 jastaǵy balamen janjaldasqan. Tóbeleske ulasqan janjal kezinde onyń basyna soqqy jasalǵan.
"Derek QR Qylmystyq kodeksiniń 104-baby ("Abaisyzda qazaǵa ushyratý") boiynsha tirkeldi. Tiisti saraptamalar taǵaiyndaldy, sotaldy tergeý amaldary júrip jatyr", - dedi Qaraǵandy oblysy Tergeý basqarmasynyń bastyǵy Rýstam Kúlkeev.
