تەمٸرتاۋدا 12 جاستاعى بالا كٶشەدەگٸ تٶبەلەس سالدارىنان قايتىس بولدى, - دەپ حابارلايدى "ۇلت اقپارات".
ول تٶبەلەسٸپ جاتقان دوستارىن اجىراتپاق بولعان, سول سەتتە بٸر بالا ونىڭ باسىنان ۇرعان, وقيعا بولعان جەردە ول ەسٸنەن تانىپ قالدى. جەلٸدە تٶبەلەستٸڭ ۆيدەوسى جارييالاندى.
"ۆەگا اۋدانىندا تٶبەلەس سالدارىنان بالا قايتىس بولدى. ول تٶبەلەسپەگەن, تەك اجىراتقىسى كەلگەن. توبىمىز بالانىڭ جاقىندارى مەن تۋىستارىنا كٶڭٸل ايتادى", - دەلٸنگەن ۆيدەوجازبا حابارلاماسىندا.
پوليتسييا حابارىنا قاراعاندا, 24 شٸلدەدە ستاروگورود پوليتسييا بٶلٸمشەسٸنٸڭ كەزەكشٸ بٶلٸمٸنە تەمٸرتاۋ قالالىق بالالار اۋرۋحاناسىندا قالانىڭ 12 جاستاعى تۇرعىنى قايتىس بولعانى تۋرالى حابارلاما تٷسكەن. پوليتسييا مەلٸمەتٸنشە, جەبٸرلەنۋشٸ اۋلادا 13 جاستاعى بالامەن جانجالداسقان. تٶبەلەسكە ۇلاسقان جانجال كەزٸندە ونىڭ باسىنا سوققى جاسالعان.
"دەرەك قر قىلمىستىق كودەكسٸنٸڭ 104-بابى ("ابايسىزدا قازاعا ۇشىراتۋ") بويىنشا تٸركەلدٸ. تيٸستٸ ساراپتامالار تاعايىندالدى, سوتالدى تەرگەۋ امالدارى جٷرٸپ جاتىر", - دەدٸ قاراعاندى وبلىسى تەرگەۋ باسقارماسىنىڭ باستىعى رۋستام كٷلكەەۆ.
