Temirtaýda táýligine 1 500 test jasaityn PTR zerthana ashyldy. Ol memlekettik-jekeshelik seriktestik baǵdarlamasy boiynsha jumys isteidi, dep habarlaidy "Ult aqparat".
Zerthana Temirtaý juqpaly aýrýlar aýrýhanasynyń ǵimaratynda ornalasqan. Ol Resei, Germaniia, AQSh jáne Qytai óndirisiniń barlyq qajetti zamanaýi jabdyqtarymen jabdyqtalǵan.
Munda qalanyń statsionarlary men emhanalarynda alynǵan testiler jiberiletin bolady. Zerthanany «Olimp» KDZ men «ArselorMittal Temirtaý» AQ birlesip qarjylandyrdy. Temirtaý ákimdigi men Qaraǵandy oblysynyń Densaýlyq saqtaý basqarmasy jobany qoldap, oǵan ǵimarat usyndy.
«PTR zerthanasynyń ashylýy - qazirgi qiyn kezde óte mańyzdy. Memleket basshysynyń tapsyrmasyna sáikes azamattarymyzdyń barynsha kóp sanyn testileýmen qamtýǵa tyrysamyz. Qyrkúiek aiynda bizdiń oblysta barlyq iri eldi mekenderdi qamtityn zerthanalar jelisi qurylatyn bolady», - deidi Densaýlyq saqtaý basqarmasynyń basshysy Erjan Nurlybaev.
Osy jyldyń naýryz aiynan beri bul Qaraǵandy oblysyna ashylǵan tórtinshi PTR zerthana. Kelesi nysandy qyrkúiek aiynda Balqashta iske qosý josparlanýda.
