Temirtaýda qaraqshylyq jasap, adam óltirgen qylmystyq top ustaldy, dep habarlaidy Polisia.kz resýrsy.
20 qarashada Temirtaý qalasynyń politsiia bólimine 32 jastaǵy qala turǵyny habarlasqan. Ol Momyshuly kóshesindegi kópqabattyń úidiń páterine belgisiz bireýler kirip kelip, tapanshamen qorqytqanyn aitqan.
Sodan keiin qaraqshylar áieldi jáne onyń 50 jastaǵy serigin bailap, ekeýin uryp-soqqan. Er adam alǵan jaraqatynan oqiǵa ornynda kóz jumady.
Qylmyskerler úidegi aqsha men dúnie-múlikti alyp, ketip qalǵan.
Bul jait QR Qylmystyq kodeksiniń 99-baby, 2-bólimi jáne 192-baby, 3-bólimi boiynsha tirkeldi.
Keshendi tergeý kezinde 4 kúdikti anyqtaldy.
26 jáne 28 qarashada júrgizilgen arnaiy operatsiia kezinde kúdiktiler Nur-Sultannan jáne Jezqazǵannan ustaldy. Olar - 25, 29, 34 jáne 39 jastaǵy Sátpaev, Jezqazǵan jáne Nur-Sultan qalasynyń turǵyndary.
«Páterdi qaraý kezinde ártúrli markaly qarý-jaraq pen oq-dári tabyldy. Qazirgi tańda kúdiktiler izoliatorǵa qamalǵan, tergeý júrip jatyr. Qaskóilerdiń basqa da qylmystarǵa qatysy bar-joǵy tekserilip jatyr» deidi Qaraǵandy oblystyq politsiia departamenti bastyǵynyń orynbasary Ábil Ábildin.
