Qarmet Park aýmaǵynda aýqymdy Kia Basketball Fest festivali ótti. Sporttyq mereke Temirtaý qalasynyń 9,5 myńnan astam turǵyny men qonaǵyn biriktirdi. Is-sharany Allur avtomobil kompaniiasynyń quramyna kiretin Kia brendi Qarmet-pen birlesip, Temirtaý qalasynyń ákimdiginiń qoldaýymen uiymdastyrdy.
Festivaldiń basty oqiǵasy – FIBA 3×3 standarttaryna sai salynǵan jańa basketbol alańynyń ashylýy. Zamanaýi sporttyq keńistik Metallýrg kúnine orai Temirtaýǵa tartý etilip, qalalyq infraqurylymdy damytý jáne salaýatty ómir saltyn nasihattaý baǵytyndaǵy jumystyń jalǵasyna ainaldy. Saltanatty túrde qyzyl lenta qiylǵannan keiin alań resmi túrde paidalanýǵa berildi.
«Eń aldymen barshańyzdy qala úshin mańyzdy mereke – Metallýrg kúnimen quttyqtaimyn! Osy merekege orai Qazaqstandaǵy Kia brendiniń resmi distribiýtory bolyp tabylatyn Allur kompaniiasy atynan sizderge FIBA 3×3 standarttaryna sai keletin osy tamasha basketbol alańyn syiǵa tartqymyz keledi. Bul alań tek Temirtaýda ǵana emes, búkil elde jańa chempiondardyń qalyptasýyna jol ashady dep senemin», – dedi Qazaqstandaǵy Kia distribýtsiiasynyń direktory Daniiar Ýrazbaev.
Jańa alańda úsh sanat boiynsha 3×3 basketbol týrniri ótti. Oiyndar FIBA 3×3 erejelerine sáikes uiymdastyrylyp, matchtardy ulttyq jáne halyqaralyq sanattaǵy tóreshiler basqardy.
«Metallýrg kúni qarsańynda alańdy daiyndaý jumystary júrgizildi, búgin onyń saltanatty ashylýy ótti. Bul – Allur men Qarmet seriktestiginiń naqty kórinisi. Búgin Qarmet Park basketbol jankúierleri úshin jańa tartylys núktesine ainalýda. Qarmet kompaniiasy basshylyǵynyń jáne óz atymnan barlyq qatysýshylarǵa tartysty oiyn men qyzyqty jarys tileimin», – dedi Qarmet kompaniiasynyń kúrdeli qurylys jónindegi direktory Aleksei Sidorenko.
Men PRO sanatynda Samal Dragon komandasy jeńimpaz atansa, týrnirdiń eń qundy oiynshysy (MVP) bolyp Jáńgir Dúisenov tanyldy. 18 jasqa deiingi jasóspirimder arasynda «Djabdjiki» komandasy birinshi oryndy ielenip, MVP ataǵy Erkebulan Qanatqa berildi. Al 18 jasqa deiingi qyzdar arasynda «Qaraǵandy» komandasy jeńiske jetip, Alina Ámirhanova úzdik oiynshy atandy.
Festivaldiń eń jarqyn sátteriniń biri – qazaqstandyq mýzyka jáne media salasynyń tanymal ókilderi qatysqan Media Basket shoý-matchy. Alańǵa RaiM, SHIZA, LEGORUS, SHYNGYS, SIXO, KUSH, SOLAKAI, AITKALI, RUSLAN, KALI, MIRONOV, BAHA, ROBERT PAN, ALGA PETERBURG jáne NURMANBETOV MADIYAR shyqty. Kezdesýde RaiM komandasy jeńiske jetti.
