Temirtaýda shaǵyn nesie berýmen ainalysatyn uiymǵa qaraqshylyq shabýyl jasalǵan sát videobaqylaý kamerasyna túsip qalǵan, dep habarlaidy "Ult aqparat".
Kameradaǵy kóriniste qylmysker alǵashqyda esikti ashpaqshy bolǵandyǵy baiqalady. Alaida ol kilttenip turǵan. Kassirmen sóileskennen keiin ol judyryǵymen vitrinany uryp syndyryp, qyzmettik keńsedegi ústelge minip alady.
Boijetken úreii qashyp esikke qarai júgirgende, ol onyń jeidesinen ustap, pyshaqpen qorqytyp, keńsege qarai súiregen. Kassadan 170 myń teńgeni alyp, qyzdy jumys ornyna otyryp, jumysyn jalǵastyrýǵa májbúrlegen. Qolyna qaita pyshaq alyp, ony qorqyta bastaǵan.
Ishki ister departamentiniń baspasóz qyzmeti habarlaǵandai, jol-patrýldik politsiiasynyń batalon jasaǵy tez arada 30 jastaǵy er adamdy ustaǵan.
«Ol qylmys jasaǵanyn moiyndady, ony zardap shegýshi tanydy. Ustalǵan kúdikti qamaýǵa alyndy. QR QK 192-baby 2-tarmaǵy «Qaraqshylyq» áreketi boiynsha sotqa deiingi tergeý jumystary júrgizilýde», - dep habarlady IID baspasóz qyzmetiniń basshysy Baqytjan Qudiiarov.
