Temirtaý politseileri aryqqa qulap ketken balany qutqardy. Qalanyń shet jaǵynda eki bala shomylmaq bolyp, qashyrtqy kanalǵa túsken. Balalardyń biri sýdan óz kúshimen shyǵa almai, onyń dosy politsiiaǵa habarlasyp, kómek suraǵan, dep habarlaidy "Ult aqparat".
29 sáýir kúni saǵat 16.48-de esý bazasy mańyndaǵy aryqqa balanyń qulap ketkeni týraly habarlama tústi. Oqiǵa ornyna Temirtaý qalalyq politsiia basqarmasynyń kezekshi bólimi, quramynda kishi leitenant Qurbanbek Turlybekov pen kishi leitenant Bekzat Mahanov bar avtopatrýl jiberildi.
«Balalar naqty qai jerde turǵanyn túsindirip bere almaǵandyqtan oqiǵa ornyn tabý qiyn boldy. Politseiler izdeý kezinde patrýldik kóliktiń dybys signaldaryn paidalanýǵa májbúr bolǵan. Balalar habarlamada kórsetilgen jerden shamamen 1 shaqyrym qashyqtyqta bolǵan. Oqiǵa ornyna jetken politseiler shomylýǵa arnalmaǵan jerde turǵan balany tapty. Jedel járdem brigadasy balany tekserip, jaǵdaiynyń qalypty ekenin aitty, aýrýhanaǵa jatqyzýdyń qajeti bolmady. 11 jasar bala anasynyń qydyrýǵa jáne sýǵa túsýge ruqsat bergenin aitty», - dep habarlady Qaraǵandy oblystyq PD baspasóz qyzmeti.
Atalmysh fakt politsiiada tirkeldi. Eki balanyń da ata-anasyna qatysty QR ÁQbK 476-babyna sáikes ákimshilik hattama toltyryldy.
