Temirtaýda saǵat 08:06-da dúkende gaz jarylyp, úiindi astynan áiel qutqaryldy, dep habarlaidy “Ult aqparat” TJD baspasóz qyzmetine silteme jasap.
15 aqpanda tańerten Temirtaýdaǵy Vatýtin kóshesinde 2 qabatty dúken ǵimaratynda gaz jarylyp ketken. Dúkende 2 adam boldy desedi. Saǵat 08:44-te qirandy astynan áiel shyǵaryldy.
“Qutqarýshylar úiindilerdi bólshekteýge kiristi. Tekserý jáne barlaý barysynda zardap shekkenderdiń ornalasqan jeri aldyn ala anyqtaldy. TJD úiindilerdi taldaýǵa kiristi. Jumystarǵa TJD jeke quramynan 17 adam, 5 birlik tehnika jumyldyryldy. 23 adam, onyń ishinde 5 birlik tehnika oqiǵa ornyna bara jatyr”, – dep málimdedi TJD.
Úiindi astynan shyǵarylǵan áieldiń jaǵdaiy naqtylanyp jatyr, qirandy astynda taǵy er adam bolýy múmkin.
