Temir ydyspen tamaqtanǵan balalardyń jaǵdaiy Almaty oblysynyń ákimi Amandyq Batalovtyń ashýyn týǵyzdy, dep habarlaidy Ult.kz tlshisi QazAqparat agenttigine silteme jasap.
Balalardyń temir ydyspen tamaqtanyp otyrǵan sýreti prokýrorlardyń alqa májilisinde arnaiy slaid arqyly kórsetildi. Sýretti kóre salysymen, oblys ákimi Amandyq Batalov jiynda baiandama jasap turǵan prokýror Sábit Chembekovti birden toqtatyp, suraqtyń astyna aldy. Birinshiden, sýrettegi sábiler qai jerdiń tárbielenýshileri ekenin surady.
«Balalar bizdiń bolashaǵymyz, mundai sumdyq jaǵdaiǵa qalaisha jol beresizder. Birden anyqtańyzdar, bul oblystaǵy qandai mekemege tiesili jaǵdai jáne mynandai olqylyqqa jol bermeńizder, balapandarǵa qalaisha mynandai temir ydyspen tamaq berýge bolady»,- dep oblys ákimi qadap aitty.
Al prokýror Sábit Chembekovtiń ózinen jiyn bitken soń, sýret qai balalar úiine tiesili ekenin suradyq. Bylai jaýap berdi.
«Bul naqty bizdiń oblysqa tiesili balalar úiiniń jaǵdaiy dep aita almaimyn. Biz baiandamaǵa sáikes, arnaiy beinerolik jasadyq. Al temir ydyspen tamaq iship otyrǵan balalardyń sýreti internet jelisinen de alynýy múmkin».
Aita ketelik, Almaty oblysy prokýratýrasynyń alqa jiynynda óńirdegi balalar úiinde tárbielenenýshilerge 3 ese az tamaq berilgeni jóninde aityldy. Mundai jaǵdai Talǵar qalasyndaǵy «Aiala», Shelektegi balalar úiinde jáne Taldyqorǵan qalasyndaǵy múmkindigi shekteýli balalarǵa arnalǵan «Qamqor» arnaiy mekemesinde anyqtaldy.
