Dúniejúzilik densaýlyq saqtaý uiymynyń bastamasymen jyl saiyn Temekige qarsy kúres kúnine orai uiymdastyrylatyn dástúrli shara biyl «Temeki jáne ókpe aýrýlary» taqyrybyna arnaldy.
Shylymqorlyq – álemdegi eń úlken ziiandy ádetterdiń biri. Qazirgi tańda álemdegi ár tórtinshi erkek pen ár jiyrmasynshy áiel nikotinge táýeldi.
Dúniejúzilik densaýlyq saqtaý uiymynyń málimetinshe, jyl saiyn álemde 7 million adam temeki saldarynan kóz jumady eken. Sonyń 890 myńǵa jýyǵy ózgeler shekken shylymnyń tútinine ýlanǵandar. Iaǵni, passivti shylymqorlyq ta qaýipsiz emes. Ol – júrek-qan tamyry, júrektiń ishemiialyq aýrýy, ókpe, óńesh, asqazan obyry syndy t.b. aýrýlardyń birden-bir sebepkeri.
Resmi statistikaǵa súiensek, ólim-jitim jaǵynan alǵashqy orynda turǵan júrek-qan tamyry aýrýlary, tynys alý organdary aýrýlary men qaterli isiktiń qai-qaisysy da shylymqorlyq saldarynan bolatyn dertter.
Nursultan qalasyndaǵy onkologiialyq aýrýlardyń elektrondy tizbesiniń 2019 jyldyń 1 maýsymyndaǵy derekteri boiynsha, óńesh obyrymen – 95 naýqas tirkelip, 1-eýi qaitys bolǵan, asqazan obyrymen – 110 naýqas tirkelip, 18-i qaitys bolǵan, ókpe obyrymen – 345 naýqas tirkelip, 46-sy qaitys bolǵan. Baiqap otyrǵandaryńyzdai, negizinen temeki shegý saldarynan bolatyn ókpe obyrynan zardap shegýshiler sany joǵary.
Shyn máninde, «eger ishki organdardy jyl saiyn tekserip otyratyn bolsa munyń aldyn alýǵa bolar edi» deidi mamandar. Temeki shegetinder úshin júrek pen ókpeni turaqty baqylaýda ustaýdyń mańyzy zor. Onyń ústine, memleket halyqqa járdem retinde kepildendirilgen tegin meditsinalyq kómek paketin usynady. Atalǵan paketke jalpy praktika dárigeriniń qabyldaýy men konsýltatsiiasy, kózdiń kórý qabileti men kóz qysymyn tekserý, qandaǵy holesterin, gliýkoza deńgeiin tekserý úshin qan tapsyrý, elektrokardiogramma, fliýorografiia, spirografiia syndy qyzmetter kiredi. Organizmde shylymnyń saldarynan bolyp jatqan ózgerister men aýytqýlardy osy protsedýralar arqyly erterek anyqtaýǵa bolady.
|
ShYLYMQORLARǴA ARNALǴAN JADNAMA |
|
- Jalpy praktika dárigeriniń qabyldaýy men konsýltatsiiasy - Kózdiń kórý qabiletin tekserý - Kózdiń ishki qysymyn ólsheý - Biohimiialyq zertteýler: qandaǵy holesterin, gliýkoza deńgeiin anyqtaý - Elektrokardiogramma - Fliýrografiia (15 jastan) - Spirografiia |
|
Kepildendirilgen tegin meditsinalyq kómek tizimi (QR Úkimetiniń 2009 jyly 15 jeltoqsandaǵy №2136 qaýlysyna qosymsha) |
«2019 jyly Nursultan qalasyndaǵy densaýlyq saqtaý mekemelerin qarjylandyrýǵa qazynadan 90,7 mlrd teńge bólindi. Onyń 13,6 mlrd teńgesi emhanalyq-ambýlatorlyq kómekke baǵyttalady, negizinen profilaktikalyq sharalarǵa den qoiylmaq.
Oǵan qosa, tegin meditsinalyq kómekti memlekettik qana emes, jeke menshik klinikalar da kórsetedi. Biyl memlekettik tapsyrysty oryndap jatqan 93 meditsina uiymynyń 58-i – jeke menshik. 2018 jylmen salystyrǵanda jekemenshik klinikalar sany 9-ǵa kóbeigen», - deidi Áleýmettik meditsinalyq saqtandyrý qory Nursultan qalasy boiynsha filialynyń direktory Nurlybek Qabdyqaparov.
Memlekettik tapsyrys sheńberinde kórsetiletin kepildendirilgen meditsinalyq kómekti Qazaqstanda turatyn ár azamat paidalana alady. Biýdjet qarajaty esebinen profilaktikalyq, diagnostikalyq jáne emdik qyzmetter kórsetiledi. Sondyqtan, turǵyndarǵa aitarymyz: densaýlyqtaryńyzdy ýaqytyly teksertip turyńyzdar, aýrýdy emdegennen aldyn alǵan ońai. Óz densaýlyqtaryńyz – óz qoldaryńyzda!
Áleýmettik meditsinalyq saqtandyrý qory
Nursultan qalasy filialy
baspasóz qyzmetiniń málimeti boiynsha
