Foto: pixabay
Aqtóbe oblysynyń qylmystyq ister jónindegi mamandandyrylǵan aýdanaralyq sotynda adam ólimine qatysty is boiynsha úkim shyǵaryldy, dep habarlaidy oblystyq sottyń baspasóz qyzmeti.
Is alqabilerdiń qatysýymen qaraldy. Sottalýshyǵa Qylmystyq kodekstiń 99-baby 2-bóliginiń 9) tarmaǵy boiynsha aiyp taǵyldy. Oqiǵa saiabaq aýmaǵynda bolǵan.
Vedomstvo málimetinshe, jábirlenýshi serýendep júrgen kezde, sottalýshy odan temeki suraǵan. Jábirlenýshiniń dóreki jaýabynan keiin ekeýiniń arasynda janjal týyndap, sottalýshy qaltasynan pyshaq shyǵaryp, jábirlenýshige alty ret soqqy jasaǵan.
Jaraqat alǵan azamat aýrýhanada kóz jumdy. Alqabilerdiń sheshimi negizinde sottalýshy kináli dep tanylyp, 20 jylǵa bas bostandyǵynan aiyryldy.
Sot úkimi áli zańdy kúshine engen joq.
